前排倫敦 LEGO Store 開幕，好多 LEGO Fans 特登去朝聖之餘就係去影幅相做自己嘅 LEGO Mosaic。不過佢就只係得黑白灰三色，仲要收你接近成千蚊。雖然你去得都唔諗咁多，不過如果我唔想飛去倫敦，或者唔想得黑白灰咁齋，咁仲有冇咩方法呢？

應該好多 LEGO 玩家都有上過 Bricklink 呢個網去訂一啲散件或者舊 Set，而 Bricklink 最新有個功能就係比用家訂做自己嘅馬賽克畫。

當然首要條件你要有詢請左會員帳號啦，入到呢去你就可以將自己想整嘅相 Upload 上去比佢。

Upload 左張相之後，你就選擇你要嘅比例同範圍。

完成後佢就會比到由 Bricklink 中所有網店嘅散件價錢比你。

彩色或黑白之外，你仲有薄件、平面同磚件三種比你選擇，當然價錢都會唔同。

好想整但價錢唔啱都好，佢都會比你保存返你自己嘅組件清單同製作說明，就算自己出去慢慢儲件整都冇問題。

雖然整相係比起 LEGO Store 靚好多，但係價錢都有返咁上下，不過如果整 LOGO 的話相對就平過好多地方。有興趣嘅就去下面條 Link 度自己試下整啦！

LEGO馬賽克畫訂製傳送門