以前做死窮拎要用電腦打個ＡＯＥ１，真係唔易。依家既新一代，可能好難感受到以下我講呢種樂趣（痛苦）。

因為部電腦實在太慢，就算夠位安裝到隻ＧＡＭＥ，都隨時會因為部機唔夠ＲＡＭ而運行唔到彈ＳＣＲＥＥＮ。首先，要跟番說明書幫個執行檔整條捷徑，然後係後面條ＰＡＴＨ加ＳＵＦＦＩＸ，等佢果陣ＲＵＮ果時飛晒開頭既ＣＲＥＤＩＴ同埋電影畫面，然後強制用低清畫面行，愈少顏色愈有ＳＯ，只有咁樣做，個成功機會可能高Ｄ。

之但係之後個ＷＡＲＮＩＮＧ又再彈出，話你ＳＷＡＰ　ＭＥＭＯＲＹ仍然唔夠，起碼你都要騰空番１００ＭＢ既硬碟空間出黎。心諗，依家唔好話１ＧＢ，１０ＧＢ都濕濕碎啦，一塊小小ＭＥＭＯＲＹ　ＣＡＲＤ已經１ＴＢ。但果陣就慘囉，仲用緊ＳＥＡＧＡＴＥ　５００ＭＢ。於是，又要開裝置管理員將Ｄ唔等駛既程式閂左佢。跟住都唔夠，仲要改ＷＩＮＤＯＷＳ　ＳＴＡＲＴ　ＵＰ檔，盡量將佢減輕個磅數，等虛擬記憶體果忽可以放空更多。

其實個做法，係幾似Ｄ女仔磅重睇下自己減左幾多，唔夠就除衫，再唔夠就除ＢＲＡ，然後最後連自己隱形眼鏡都除埋，終於先可以講句「ＹＥＳ阿媽我得左啦我減到一磅啦」係一樣道理。你明唔明搞咁多野先ＢＯＯＴ到隻ＧＡＭＥ，個感覺就好似你係野外求生落住雨鑽金取火到最後終於成功左之後對天振臂高呼咁。呢Ｄ都可能係打機樂趣回憶既一部份。

所以睇到話ＡＯＥ相隔２０年重製，又要搞到鬼死咁高清又勁靚又盛，我都唔多唔少有Ｄ眼濕濕。ＢＩＧ　ＤＡＤＤＹ同ＨＯＷ　ＤＯ　ＹＯＵ　ＴＵＲＮ　ＴＨＩＳ　ＯＮ，隨時已經兩個ＧＥＮＥＲＡＴＩＯＮ。雖然，林非話打機練呢樣練果樣成本好高。唉我地呢Ｄ老鬼點練都唔夠後生砌架啦。當俾錢買個回憶黎無病呻吟傷春悲秋下咪算。