講起 PS 平台上面嘅日系靈異遊戲，大家最有印象嘅係邊個？我就會第一時間諗起《零》系列 ，當年半夜一條友匿喺被竇玩《零～紅蝶》真係驚到廁所都唔敢去！

不過好可惜最後一代《零》作品喺 Wii U 發佈之後，開發公司就因為資金問題收咗皮。從此之 後，PS 平台上面嘅靈異遊戲就好似少咗好多人注意咁！

其實每年仲係有唔同嘅恐怖遊戲推出， 喺黎緊呢個夏天，神婆就有四隻必玩嘅恐怖 Game 推薦比大家！

一、死印

對應機種：PSVita

推出日期：2017.06.01

只要手臂上面出現奇怪嘅印記，當事人就會慘死（所以叫死印 LOL） 但在倒數死亡之前，死者到底遭遇過啲咩、又睇到啲咩？步步進逼嘅係怨靈，定係咀咒？

遊戲以「死印」咀咒串連唔同嘅都市傳說作賣點，以章回故事推進劇情。 玩家飾現嘅男主角，因為某啲原因失去咗記憶，佢只知道自己手臂上面出現咗死印；於是男主 角努力搵方法解開「死印」嘅咀咒。

陰暗氛圍加埋獵奇系配圖，如果現實中要我去調查都真係寒寒地

大家有興趣去官網望下就知，啲死狀都幾轟烈

都市傳說一向都係靈異遊戲嘅熱門題材，因為無真憑實據，所以真相係點永遠無從考究；正正因為睇唔清，所以人先會感到不安甚至恐懼，始終世界上有好多事係現有科學解釋唔到；呢個遊戲唔係純 AVG（文字歷險遊戲），仲加入咗探索、調查嘅元素，所以點樣克服恐懼冷靜搵出真相，都係玩家嘅一大挑戰！

以下為官方 Promotion Trailer（小心音量w）

 二、祝姫 -祀-

對應機種：PS4・PSVita

推出日期：2017.07.20

《祝姬》絕對係我期待到癲之作！佢個劇本係竜騎士07寫架！ 嗱作為一個毒撚，你唔係唔知邊個係竜騎士07啊？咁《寒蟬嗚泣時》（ひぐらしのなく頃に） 應該聽過玩過或者睇過喇啩？狂派便當不留情、虐待斷頭不省血，竜騎士07嘅作品絕對係玩獵 奇玩到出哂名！

劇本設定都係佢嘅定番，男主角黎到新嘅學校，遇上五位表面上好似各有萌點嘅女性，嘩簡直 係青春浪漫大爆發……至奇呀！嗚呀我唔會信你架！竜騎士07筆下嘅女主角，就算佢笑住煮飯 你食，都要小心入面有釘呀！

呢個女主角去到邊都拎住個人形娃娃，而學校入面都流傳住一個講法就係「最好都係唔好接近 佢」；不過男主角不入地獄誰入地獄呢，但佢地到底係開感情線？抑或係玩命行鋼線，就要等 出左 Game 先知了 w

講真，班上面有條女成日拎住個人形咁鬼中二，好心你就咪搞人啦

究竟女主角嘅真正身份係乜嘢？

遊戲中不乏福利鏡頭，不過你永遠唔會知下一秒發生咩事 : (

人形、神社、禁忌、咀咒、人性黑暗……呢個遊戲包含嘅原素好多，好貪心但係我鐘意！以下 係遊戲

Opening 動畫：

三、深夜廻

對應機種：PS4・PSVita

推出日期：2017.08.24

2015 年發行《夜廻》之後口碑同反應都唔錯，所以今年繼續推出加強版《深夜迴》，講兩個少 女夜間喺大街上面探索，一直遇到各式各樣嘅恐怖嘢咁；畫風方面則繼續係同上代一樣，用返 得意細粒人仔做主角！

雖然視覺上《深》好似無上面兩個遊戲咁令人緊張，但係半夜三更、開勁冷氣衝關都仲係偶爾
會比啲音效或者「意外」嚇一嚇架！

黑暗尾行 Play

好孩子不要亂玩較剪 (´・ω・`)

呢個系列可以出到第二集我都幾期待，始終呢啲小品式遊戲好多時都未必可以成為系列作；當 然唔係話有系列就係好，有啲遊戲我更加會期待佢見好就收！不過《夜迴》系列仲有好多可以 發展同埋進步嘅空間，所以我熱切期待緊！
官方 Trailer 如下：

四、WHITEDAY～学校という名の迷宮～

對應機種：PS4

推出日期：2017.08.24

呢個遊戲本身係 Android 上面推出咗一段時間，然後剛剛公佈會出 PS4 版！學校靈異事件都係 日系恐怖遊戲嘅定番設定之一，對上一次令我玩到腳震嘅校園驚慄 Play 已經係《Corpse Party》 （屍體派對）了～所以對玩家黎講可能係久違嘅學校題材！

相傳呢個係女主角，清純系萌點＋10分

遊戲以第一視點進行探索，玩家可以 carry 嘅道具數量有限制，同埋有跑又有匿藏兩種指令，應 該唔係淨係逃命Play咁簡單。

Android 版網上截圖

雖然佢係一隻靈異 Game，但同時有校園戀愛嘅元素……有你就玩啦！唔准吐糟！ 劇情入面遇到女同學都會有對話選項，不過我好奇嘅係，呢啲選項係單純影響好感度，定係關 乎主劇情呢？因為就咁睇片入面啲女同學都神神化化怪怪地……

目測佢應該係煩膠但傲嬌 Setting

道具都有細分好多種

有關《White》嘅 PS4 版官方資料暫時唔多，官網都係開咗無幾耐！不過目測呢個遊戲可玩性相 當高，惟一淆底嘅係我唔擅長玩第一人身視點遊戲……有興趣又唔怕劇透嘅朋友可以上 youtube 睇下日本玩家嘅遊玩短片！

以上四隻遊戲我都一定會入手架啦！對於部份朋友黎講，四隻 Game 都無中文化唔知會唔會影
響你想玩佢嘅動力呢？嗱咁我呢度又事先賣定廣告：四個 game 我都一定會交 Review 包膠
文的 LOL！如果無時間玩或者驚睇唔明劇情，但又想知道個遊戲正唔正菜嘅，接下黎嘅時間 都請繼續留意 VJG 啊 (ゝ∀･)⌒☆