唔係講緊 Game 入面啲裝啊，講緊 NS《Monster Hunter》出就知實有啲主題機袋之類開訂啦！

如果死忠買成 Set 買嘅都走唔甩個 LIMITED EDITION 啦，貴係貴左少少，賣 12,744円(大約港幣 $892 左右)，就咁睇個袋同 Outdoor 合作，睇落都幾靚仔，不過一比 Model 「埋鏡拼拼」就嚇一跳，當腰包都還好，當女裝斜孭袋就真係會笑出嚟。

呢個如果嫌貴仲有兩款，而且各有用途，先嚟個基本機袋款，優點好在於佢仲可以做埋機座，仲有網位放叉電線之類，而且都只係 2,376円(大約港幣 $166 左右)。

最後一款就誠意推介比啲全套機連 Dock 四圍拎嘅朋友

話說 Hori 之前都出過一個 NS 嘅全套收納箱/袋 (我叫佢做化妝袋啦)，真係見到都買唔落手，冇特色之餘仲有啲”娘”(真係驚比女友當化妝袋XD)。

但亦有唔少朋友問過有冇類似但靚仔少少嘅款，依家就真係有啦！

呢個補給道具藍箱真係靚仔之餘仲有間格同 Hori一樣，最緊要拎出街唔會比人以為你係化妝師XD 貴普通機袋少少，賣 3,780円(大約港幣 $264 左右)

以上三樣都可以嚟日本 e-capcom 網站訂購，全部都要 8 月25 號先派貨，等得嘅朋友就依家去訂啦！

日本 e-capcom 網站傳送門