即係咁……無論你係唔係 Pokemon 嘅 Fans，你都應該聽聞過鯉魚王呢隻小精靈，名就響當當、Size 就大大粒，但實情係廢鳩一隻，收到佢真係喊三聲，連一手一腳設計佢出黎嘅官方都話佢「大佬呀我地真係用你唔落」，絕對係真・虛有其表嘅典範！但係，唔知係咪官方良心發現，覺得大家都欺凌 Play 咗鯉魚王咁多年，居然專登為佢整咗個育成強化遊戲App！
睇個畫風就知係治癒Play吖！
遊戲名直截了當叫做《はねろ！コイキング》，中文可以譯做《跳躍吧！鯉魚王！》或者乾脆啲叫《咸魚翻身》。正如頭先所講，遊戲係育成 Play，重點就係比玩家用同情……唔係，我意思係愛心，去調教同訓練出最強嘅鯉魚王！
如果你就咁聽都覺得個遊戲 Kai Kai 地，唔好衝動，你睇埋個遊戲流程先，睇埋你仲覺得 Kai 吖！LOL
首先，自己的魚自己釣
釣完返黎放置 Play 當普通養魚咁又得
想養魚同時有養狗嘅樂趣，帶佢出去散步又得！
話哂都係 Pokemon，都係要同人對戰嘅
話哂都叫養魚…唔同魚糧加唔同程度 Exp
咁鯉魚都有分品種（好似係），所以遊戲入面可以入手嘅鯉魚王都有分 N / SR 之類嘅等級：0
不過官方可能都知淨係得鯉魚王應該無咩叫座力，所以話遊戲入面有機會遇上其他小精靈喔！
咦…咪住，咁樣搞法，咪即係借育成鯉魚王為名，實情係要玩家刷 game 刷啲 SSR 小精靈出黎之嘛！！
咁到底呢個遊戲有無辦法幫鯉魚王爭取返啲人氣同地位呢？定係玩家只會好似我咁講，淨係想刷到鯉魚王以外嘅小精靈？ 有興趣嘅朋友自己下載黎養魚研究吓啦！
遊戲於 5月23日上架，iOS／Android 同步上架，基本遊玩免費，買魚糧之類嘅 Items 就需要課金！如果呢排大家刷 FGO 刷到悶悶地，Download 黎玩吓漁樂無窮都 OK 吖！LOL
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。