近排我地VJGamer仝人都沉迷係NS孖車進行廝殺，據聞因為我太囂張既關係經常受到藍龜連續技 (明顯係唔抵得我靚仔啦！)，不過因為我有防藍鬼心法所以佢地都唔係成日可以得手，想穩佔第一位連藍龜都無你乎？下面傳授破藍心得比你地！
其實破藍龜方法同以往集數大同小異，絕大部份時間都係靠道具破解 (NDS果招捽火避無咗架啦)，之但係各種道具使用既時機都唔同，綜合各種使用方法如下：
喇叭：藍龜飛到去頭頂果陣使用就會震碎佢
變鬼：基本上見到有人射藍龜就已經用得，避龜技巧=0
紅菇：藍龜飛到頭頂之後會自轉一野，當你見到藍龜個底面向畫面時撳菇就會衝出爆炸範圍
即係見到呢個樣就好衝啦
金菇：類似紅菇咁用，不過金菇使用時間更寬鬆，可以遲少少撳都OK
無敵星：飛到去附近使用就得，無咩特別
Crazy 8：用法同無敵星、紅菇一樣，不過要等件道具去到你前面先用得，掣肘更大
炮彈：基本上變咗大砲就無野打到…….不過都我諗無乜人拎到大炮會忍住唔用
藍龜：因為場上只會有一個人拎到藍龜既關係，你 HOLD住隻藍龜到尾就得架啦……咁排第一用藍龜炸自己會點？喂咪咁痴線啦師兄!
道具以外避龜方法：
就係跳樓……由於今集跌落街懲罰好細既關係，差唔多中龜果陣可以選擇跳樓……
回帶相關文章：
VJGamer總編，細細個已經蒲機舖，機齡甚深，熱愛電玩文化。