前幾日就係ニコニコ超会議2017，當中有好多好多宅資訊發佈。

其中一個有趣又震撼既發佈就係《暮蟬悲鳴時》（ひぐらしのなく頃に）將會推出VR遊戲！

《暮蟬悲鳴時》為日本同人社團07th Expansion於04年所製作嘅同人遊戲，以日式恐怖經典嘅獵奇殺人、陰森氣分下嘅推理、揭露人嘅邪惡本性等作為特色，成為當時別樹一格嘅作品。遊戲後來人氣高企，多次改編為漫畫、動畫、drama甚至係電影，完全成為咗同人界神級作品之一。

而宣佈嘅VR遊戲《暮蟬悲鳴時：現》，劇本係由原作07th Expansion重新編寫，沿用原作人物繼續心寒詭異嘅獵奇神秘案件。遊戲觀官網已經推出左360度旋轉視點體驗比大家率先進入《暮蟬悲鳴時：現》嘅世界。
官網傳送門：//higurashi-pj.jp/

呢次VR遊戲係由07th Expansion重新編寫新劇本，故事講述雛見澤村莊中有個古老的習俗叫「綿流祭」，每年舉辦時，總會有一人死亡一人失蹤。

喺昭和58年6月，一個手持巨大柴刀嘅少女龍宮禮奈將同班同學當作人質，隨時準備爆破課室。警方為考量人質生命安危，決定派出一名新人刑警（係啊即係你啊玩家）去調查事件。

當時其中一個人質前原圭一試圖遊說龍宮禮奈，卻失敗並比禮奈用柴刀剁到碎屍萬段。

玩家進入學校後，附近嘅公共電話突然響起，玩家接起電話聽到一名少女不斷道歉，並求刑警緊快突入學校。

伴隨著擾人的蟬鳴聲，新人刑警喺暗沉嘅黃昏一步步行入學校，聽到陣陣玻璃嘅噪音， 睇見地下ㄧ片狼藉同血痕跡… …

然後… …
然後… …
就
… ….

啊啊啊啊啊啊啊啊啊啊

官方宣佈於5月19號會舉辦體驗會，揭曉事件進展。