貴為榮獲全球各大媒體滿分之作《薩爾達傳說：荒野之息》，將會係系列第一隻有 DLC 既《薩爾達傳說》(老任都加入DLC行列…..)。係今年夏季大家將會有得玩第一波既 DLC，內容係之前發布果陣好粗略咁講過會追加「試練之洞窟」、困難模式同埋地圖新功能等等，到底係咩黎呢？我地啱啱就收到最新既情報！
試練之洞窟
實際名稱應該係叫做「劍之試練」，係呢個試練入面將會面對1波波既敵人，而你係要裸身上陣的 (即係無防具無武器)。當房入面所有既敵人都被打倒後將會進入下一波，總數會有 45波攻勢。當完成整個訓練之後「退魔之劍」既真正力量將會覺醒。
英雄之路模式
新地圖功能，將會顯示對上果200小時遊戲之中林克行過既路徑。新既時計顯示器會話比你聽你係咩地方用得最多時間以及係咩地方仲有野要探索咁，係一個好貼心既設計。
困難模式
係呢個模式下，敵人將會回血，所以之前 Hit & Run 既戰術未必用得著啦。另外所有敵人都將會升級，即係本身係紅色最 Cheap 果種哥布林就會成藍色果種，同時空中亦都會加入更多敵人以及會有寶箱！
至於困難模式仲有個傳聞係話老任會將《薩爾達傳說：荒野之息》加入生存要素，例如戰鬥同爬山中係無得食食物同料理，甚至講到話林克定時係需要食野同訓覺，如果呢 Part 屬實的話，咁 Hard Mode 就真係堅 Hard……
傳送徽章
新道具，使用後將會係身處既位置開啟傳送點，之後就可以透過 Fast Travel 去返呢度啦，每個徽章只限開啟一個傳點，道具將會收埋係部份寶箱入面。
將會新增 8種防具，入手方法未明，分別為 2套 Full Set 裝備以及 2個頭飾，能力不明。
大便面具
對於未執齊 900粒大便既朋友，新道具將會幫到你！當你帶住呢個面具既時候，如果附近有大便 Quest 既話呢個面具就會震，同樣入手方法未明。
《薩爾達傳說：荒野之息》首個 DLC 將於夏季登場，第 2 波 DLC 將會追加新迷宮以及新原創故事挑戰，預定冬季推出。DLC 無法獨立購買，必需買 Season Pass 先可以下載，價格 2500 日圓 / 19.99 美元，最後順帶一提《薩爾達傳說：荒野之息》更新後已經可於遊戲選單內自由選擇不同語音，咁就可以英文字幕+日語語音啦 (雖然隻 Game好少位有語音……)。
回帶相關文章：
【齊齊做富翁】《薩爾達傳說：荒野之息》前期一分鐘激賺一千盧比
VJGamer總編，細細個已經蒲機舖，機齡甚深，熱愛電玩文化。