Dark Soul系列同惡魔城系列不嬲都 Fans 甚多 (我都係！)，咁如果2隻 Game撈埋會點呢？係今年就會推出一隻由法國開發商 Hibernian Workshop製作，叫做《黑暗獻祭 Dark Devotion》既作品，遊戲表現風格極有 Dark Soul 味，而玩法就係類近惡魔城既橫向 2D 動作遊戲，值得期待！
淨係個 Title 都充滿住 Dark Soul 味道
係日前官方就出咗條片示範遊戲既戰鬥同玩法咁，片段中所見主要既戰鬥動作都係由攻擊、碌、擋三個動作構成，而且動作流暢。裝備就分為盔甲同武器二種，戰鬥中可隨意轉換武器，暫時見到有片手劍盾、雙手劍、矛、弓呢幾種武器，盔甲同武器都可以透過打怪刷又或者開箱得到。
地圖類似惡魔城咁有隱藏路線，不過就唔係好覺眼有得 Chok 必殺技啦。另外隻 Game 有個叫做「獻祭」既系統，比較類似 Dark Soul 既魂系統 (即係單一貨幣阿)，只要每殺一個敵人就會得到相應既「獻祭值」，開箱開門都係靠佢。
《黑暗獻祭 Dark Devotion》既故事係發生係一個受到宗教控制既時代，所有細路都會被逼離開佢地既父母，訓練做聖殿騎士，並且要為自己既「神」效忠。而我地既主角就係例外既一人，為咗逃出陰暗既聖殿而孤身奮戰。
《黑暗獻祭 Dark Devotion》預計會於2018年年初係 Steam 上市。
《黑暗獻祭 Dark Devotion》Steam Greenlight 傳送門
VJGamer總編，細細個已經蒲機舖，機齡甚深，熱愛電玩文化。