1996年12月6日，係日本推出咗一隻改變咗之後遊戲類型既遊戲，就係《PaRappa the Rapper》。遊戲由 SCE 鬆浦雅也製作，並且對之後既音樂遊戲有巨大既影響力，今時今日我地玩既音 Game 都係多得佢啟發。而係 2017年既 4月4日，《PaRappa the Rapper Remastered》20週年高清復刻版正式係 PS4上面推出。
《PaRappa the Rapper Remastered》成隻 Game 都係用類似紙咁既型式去表達 (Paper Mario咁)，配合埋騎呢既故仔、易於上口既音樂同歌詞，就算大人細路都玩得好開心，拎黎做親子 Game 都無問題。至於遊玩既方式就係老師唱一句你就跟返佢唱一句，即係重複螢幕上面對應既按鈕。而每下節奏判定會有4個評級，分別係 COOL、GOOD、BAD、AWFUL，AWFUL 再炒既話就會 Game Over，只要一直 Keep 到評價係 COOL或者 GOOD 就可以過下關，不過 COOL評價需要爆機一次先可以上到去。(小小心得，最佳判定位置其實係個按鈕放大既時機)
全部都係紙片人
場景會隨住評分既高低而改變顯示方式，例如呢關跌到去 BAD既話隻雞就會係電視走出黎
去到 COOL 評價會進入 Free Style，上面會無晒按鍵提示，可以自由發揮
唔知點解過場 CG無重新做過，美中不足
獎盃名都好有心思
不過相對而家既音 Game 下下幾廿首歌，作為始祖既《PaRappa》只有 6隻歌係少得緊要，咁當然《PaRappa》入面每首原創歌曲其實都係講緊故事，又唔可以咁計既……。雖然隻 Game 內容極度過癮，但係就極短，一般黎講 2個鐘就可以爆晒。當然今次係 PS4 上面推出除咗畫面高清化咗之外，聲音都經過處理，以咁既價格再加上係一代經典，真心入得過，有興趣既不妨上 PS Store 度 DL個 Demo 感受下先。
每首歌既歌詞都非常過癮
比起當年多咗選項
順帶一提，《PaRappa the Rapper Remastered》原聲帶將會係5月24日推出，收錄 44首歌曲，預計售價會係 USD $20左右。
《PaRappa the Rapper Remastered》Demo 傳送門
VJGamer總編，細細個已經蒲機舖，機齡甚深，熱愛電玩文化。