呢幾年由「貓咪開胸泳衣」、「開胸毛衣」到近期嘅 「童貞殺毛衣」一直都吸引好多人追趕同挑戰。畫師、Cosplayer同攝影愛好者都以自己嘅方式將呢類衣裝發揮到淋漓盡致。咁喺「童貞殺毛衣」之後，又有咩新消息新動向呢? 日本開始推出緊一款巫女泳衣！

貓咪開胸泳衣

開胸毛衣

童貞殺毛衣

巫女係喺日本神社輔助神職嘅女性，形象神聖潔淨。巫女嘅紅白色和服裙亦一直受大眾喜愛，經常被拎黎來作為動漫女角嘅設定。正正因為呢種少女，有種神聖不可侵犯嘅禁斷感，令人慾望加倍。

慾望推動人將妄想化為真實。日本畫師cccpo就畫出一張扎高馬尾嘅啡髮少女著住紅白相間嘅和風巫女泳衣，而呢套泳衣成為咗焦點。

cccpo手下嘅巫女泳衣保留住巫女服嘅特色，绯白相間，和風袖由手臂環代替，上身變成純白嘅比堅尼，下身就變成一條中間開叉嘅超短緋袴。繩飾、鈕扣同各類細節都做得非常細緻，將巫女服不可缺少嘅萌點性感化到極致。呢套巫女泳衣，完全係性感、可愛同束縛感集一身。

不過，巫女泳衣係未推出㗎。但又唔需要擔心嘅，妄想商品MOCOLLE已經決定想將呢套巫女泳衣帶黎三次元，喺日本集資網CAMPFIRE對外集資，目標金額係300,000円（即大約21000港元）。宜家已經集資接近完成！想推動呢個妄想計劃嘅人要努力啊。期待無幾耐之後可以係Facebook個wall到佈滿巫女泳裝嘅丁圖啦。

巫女服魅惑泳裝集資傳送門