經典射擊遊戲《兵蜂》我諗好多80後玩家都有玩過，佢係一隻由 Konami 開發嘅可愛卡通風格嘅捲軸射擊遊戲，早係1985年就係街機出現，支援雙打，其後移殖到FC及MSX等平台。呢隻遊戲最大特色就係佢嘅升級系統，玩家可以透過食鈴鐺加強自己嘅戰機，只要不停射擊鈴鐺，鈴鐺就會變色，唔同顏色代表唔同技能或者分數。
日本模型品牌 PLUM 就為呢隻經典射擊遊戲推出戰機模型作品，今次模型絕不馬夫，外形仔細又忠於遊戲，而且可以打䦕駕駛艙，駕駛艙內部都細緻呈現，雖然暫時得未上色樣版睇，但單睇素組我地呢d 老玩家已經非常感動，值得期待!
售價及推出日期未定
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。