GUNDAM MOBILE SUIT ENSEMBLE 都唔洗再多介紹啦，剛收到呢個PREMIUM BANDAI

EX01 FULL ARMOR UNICORN GUNDAM 當然等唔切即刻開箱啦！

除左平時嘅運輸啡箱，仲有個白盒仔「輸送箱」保護

封面印刷同FW GUNDAM CONVERGE有啲相似

盒背就全官圖

說明書就一張紙咁大把(環保啊！)

頭先睇個盒仔細細，當所有件排晒出嚟都幾震撼！

排晒啲武裝出嚟，呢一刻真係感動到不能！

飛行板可以搭載 UNICORN 主體，亦可以搭載武裝成為運輸設備。

配合特殊支架，仲做到「NT-D」防禦模式。

火箭砲同大型噴射器都由多件組件合成，應該係方便大家同其他機體組合。
另一個有趣之處係有送到一對「天破活殺」用手掌！但當玩家裝上主體會發現一個好重大嘅問題，對手掌向下我點樣先可以擺得返個「北斗秘奧義」？

最終真係成功！

不過…..係要出少少蠱惑…..

GUNDAM MS ENSEMBLE 系列就係要「化不可能為可能」嘛！

FULL ARMOR 後反而因為組件太多而令手臂關節活動性減低，擺部份姿勢會有所影響。

EX01 FULL ARMOR UNICORN GUNDAM 主體同 PART01 嘅 UNICORN GUNDAM 除左「精神骨架」顏色不同之外，整個外型基本上完全同一個模生產。

但當你拎上手對比，你會發現有部份 Parts 使用嘅物料有好大分別。以盾牌為例，PART01 係用軟膠，而 EX01 就轉用硬膠，令配件唔會容易變型。(不過唔知的話唔好亂扭，大力一扭真係會斷)

最後，既然有隻PART01 UNICORN 喺度，當然要做返個FULL ARMOR UNICORN GUNDAM (RED COLOR VER.)開心下啦！