隔咗5年《交響詩篇》出新劇場版啦！由 Bandai Entertainment 同埋動畫製作公司 BONES 所創作既《交響詩篇》，宣布將會推出劇場版 3 部曲，名為《交響詩篇Eureka seveN：Hi – Evolution》，而且仲放埋首部曲既特報影片！

相信唔少有追開既都唔想提果套《交響詩篇AO》，今次既三部曲就啱晒我地胃口啦！因為佢係用返電視版發生第一次「愛之夏」舞台，然後講返《交響詩篇Eureka seveN》故事起源既謎題，主角就用返蘭頓同埋艾蕾卡 (Eureka!!!)，再唔洗捱佢2個個仔啦……。

今次既製作團隊有唔少都係當年做 TV 版既成員，總監督同樣係由京田知己擔任，另外既團隊成員仲有「監督 清水久敏」、「腳本 佐藤大」、「角色設計 吉田健一」「主要機械設計 河森正治」、「角色作畫監督 藤田しげる、倉島亜由美」等等。而歌曲方面就有創作咗「Acperience（アクペリエンス）」(同時亦係 TV版其中4集既標題) 呢個字既德國音樂團體「Hardfloor」所操刀，新曲名為「Acperience 7」。

人型機械LFO

三部曲劇場版第一部將會係 2017 年推出、然後係 2018、2019會每年公開一部。