出左貨未夠一星期，好多輿論不段話 Switch 好多問題又呢樣又嗰樣，有啲好似話死機壞mon之類我地就唔覺啦。但係佢 JoyCons 接收問題又真係有存在過，當然冇好似話連多人就 delay 或者連接唔到。

老任其實有回應過有關 JoyCons 嘅問題，但當然係叫你唔好行咁遠、唔好有太多干擾之類嘅官方說法。

4.2 唔好喺魚缸附近玩係咩提示？

咁結果有外國 Youtube Channel Spawn Wave 真係做實事拆開對 JoyCons 睇睇，發現原來設計上有問題存在。

開右邊 JoyCon 嘅時候見到有條藍芽天線幫下接收 ，但原來左 JoyCon 條天線直接焊左係電路度，加上左邊嘅天線位旁邊仲有金屬件影響，當玩家拎住喺手會直接大大減弱接收能力！

右JoyCon獨立藍芽天線

左JoyCon天線位

仲有個Stick嘅金屬件頂住

當然佢有解決方法示範比大家睇，就只係加返多條天線比個左JoyCon，遠都大約 6m 距離都收得到，不過佢都講到明叫大家唔好咁做，折左你砌唔返冇人幫到你啊！

6m遠，後手，都收到！

依家隻左 JoyCon 知道有設計上缺陷影響玩家，唔知老任仲有咩回應呢？