玩《薩爾達傳說：荒野之息》最常遇到既問題之一，就係成日都唔夠氣爬啲勁高既既山，劑劑都係爬到咁上下就無氣跣返落黎。不過只要學到武當派既輕功「梯雲縱」就可以輕鬆爬上大部份既山啦，不過學之前請留意，呢個心法唔多唔少會影響正常遊戲既體驗，因為正常黎講爬山果陣需要考慮到體力值既分配，係咩位爬，咩角度飛過去等等其實都係呢隻遊戲既樂趣黎。
正常情況下
用「梯雲縱」既情況下
呢個心法其實製作團隊有講過係刻意留低既，因為會唔洗再設計休息平台比玩家。咁使用「梯雲縱」既方法就好簡單，當你爬山中途發現任何斜度低過 70°既位置，撳 B 制放手，同時左冬菇推向上，就會見到林克變成行路狀態並且開始回氣，利用呢個方法基本上幾高既山都可以上到。不過要注意呢個心法係超過 70°斜面係唔適用既。而呢個心法另一個好處係就算雨天都適用，只要係佢跣落黎之前撳 B 制放手就得，但係記住爬 4-5步就好放手啦！
媽阿我得咗啦！
回帶相關文章：
【齊齊做富翁】《薩爾達傳說：荒野之息》前期一分鐘激賺一千盧比
VJGamer總編，細細個已經蒲機舖，機齡甚深，熱愛電玩文化。