又係會係今個月出，即係 3月 16日推出，由川原礫 2套作品 《刀劍神域》同《加速世界》Crossover，Bandai Namco Entertainment 所製作既 PS4 / PS Vita 遊戲《加速世界 vs 刀劍神域 – 千年之黃昏》，之前就出咗片講解遊戲既相關情報，最爽皮既當然係最大十六人係同地圖探險啦！

今集故事係講 VRMMO 「Alfheim Online (アルヴヘイム・オンライン)」受到「Brain Burst (ブレイン・バースト)」侵食，然後刀劍同加速 2班人就協力拯救呢個世界咁囉。

今次遊戲個據點就叫做「空都ライン」，係呢度有會有賣《加速世界》刻石同強化外裝既「刻石店」(但唔覺眼有「Replay Card」「Sudden Death Duel Card」賣)、買賣武器防具既「武具店」，仲有要黎鑑定同強化武器既「鍛治區」、賣強化素材既「素材店」，同埋買雜物既「道具店」。除咗買野之外就同其他版本既《刀劍神域》一樣，都係周圍講下野就會引發支線。

支線任務

遊戲基本上係自由組合既三人隊伍，而透過網絡連線就可以十六位玩家共同探索，另外仲有二種對戰模式玩，分別係隻抽隻既「デュエル」同 4vs4 既「チームバトル」 ，不過詳細內容仲未公布係點，等多陣啦。

十六人共鬥！

隻抽隻

4 vs 4 團戰

《加速世界》既角色特點

《刀劍神域》既角色特點

另外今次公布既「新」角色「幸 ALO 版」係屬於初回封入特典，錯過咗之後透過買 DLC 都可以用得返既。

幸（サチ） 即係「SAO」係迷宮度比人圍死果個丫……(此角色必須要有初回封入特典先用得)

《加速世界 vs 刀劍神域 – 千年之黃昏》3月 16日推出，PS4 / PS Vita。