做開《精靈寶可夢》(係阿我地寫正宗中文名架) 既 GAME FREAK 繼之前隻大笨象 Game《 Tembo the Badass Elephant》後又有新作，名就叫做《GIGA WRECKER》，主角係半人半機器萌萌少女 Reika，擁有可以自由操控瓦礫既能力，然後就利用呢種力量去阻止邪惡機器人軍團侵略世界咁。
呢隻《GIGA WRECKER》係 2D 動作遊戲，利用主角「ARCHE（ARms Creating andHandling Effect）」自由操控瓦礫既能力可以將啲垃圾重新建構組成武器，而且每種武器都會有自己獨有既功能。例如劍可以斬爆阻住你既牆壁、Lock 可以用黎做踏腳石等等，利用各種能力黎解決謎題、陷阱、打 Boss 咁，成件事幾有洛克人味！
有埋技能樹添
《GIGA WRECKER》已經係今日 Steam 上架，HKD $119，暫時就淨係得 Steam 版本，不過根據往績 GAME FREAK 無一隻 Game 係淨係會出係家用機 / 手提機以外平台，所以睇個款遲下都會出埋其他版本，等下啦。
VJGamer總編，細細個已經蒲機舖，機齡甚深，熱愛電玩文化。