熱愛高難度動作 Game 既大家一定餓咗好耐，鬼咩《Dark Souls III》上個 DLC 「艾雷德爾之燼」咁鬼死短，到喉唔到肺，故事又唔係講得多。好在《Dark Souls III》最後一個 DLC「輪之都」將會係 3月28日上市，希望今次宮崎英高可以為整個故事既終章帶黎完整既面貌。
輪之都，已經成為人跡罕至既廢墟
潛伏黑暗中既最後倖存者
扇形炎魔法 (不過係人地用)
新武器防具
叫得新 DLC 梗係會有新 Map，新 Boss 咁。武器、防具同魔法亦都會有新野，不過就未知大約加幾多。今次「輪之都」如果之前有買 Season Pass既朋友就可以免費下載，如果想散叫既就承惠 1200日元。2樣都唔想買既都仲有個選擇，係 4月20日將會推出一個《Dark Souls III》本體 +2個 DLC 既版本「The Fire Fades Edition」而且佢個限定特典仲幾鬼靚添 (本書好正！)……搞到我都想訂埋佢！
另外為咗慶祝隻 Game終於埋尾可以收工既關係，官方特別推出咗個 APP比大家玩，主要係用返 DS 風格去影相再 Key啲野落去咁樣，有興趣既朋友就可以撳入去 DL 啦！
VJGamer總編，細細個已經蒲機舖，機齡甚深，熱愛電玩文化。