日本笨大公司真係愈黎愈邪惡，先前推出拉打底褲仲未夠，今次竟然推出幪面超人新一號同新二號嘅外套，一著即變身，好熱血呀!!!!
呢件由笨大嘅 FASHION NET 推出嘅拉打外套非常細緻，代表性嘅紅色頸巾同變身腰帶都忠實呈現，手臂則上嘅銀帶亦採用反光物料製造，非常搶眼。
除咗外表型，功能性都有兼顧，胸口同腰帶左右邊都有小衫袋方便放野，設計非常細心。
官方仲有黑絲囡囡示範
另外幪面超人新二號款式
呢件拉打外套 size 有 M~ XXL，售價約32,400 YEN，日本魂web線上商店已經開始預訂，貴就貴咗D，不過呢件外套的確吸引，拉打迷萬勿錯過!
日本魂web線上商店傳送給門
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。