先前係小島 Twitter 率先睇到小島新工作室代表人物 Ludens 嘅雕像，前日終於正式發佈商品資料，今次由 Prime 1 Studio 製作嘅Ludens 雕像比例更正為 1/2 ，大約有 159 cm 高，堅係人咁高，同先前係 小島 Twitter 見到嘅一樣，頭盔中有LED 發光，旗杆內有鐵絲，可以營造旗織飄逸效果，太空衣質地做得有層次兼有舊化，而且每隻雕像包裝同底座都有限量編號，仲有小島秀夫親筆簽名 ! 唔怪得全球限量150隻 !
Prime 1 Studio 官網已經開始預定，預計2018年1月～3月發貨，你冇睇錯，係2018年，之係等成年，售價￥235,900，又係時候考驗小島神 fans 嘅忠誠囉~
官網傳送門
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。