外國首映之後，好外媒體都對《刺客教條(下稱AC)》電影評分麻麻，平均都只係5到6分左右。有好多都係熟悉同了解《AC》系列遊戲嘅朋友，怎或係一啲《AC》嘅死忠都對電影有類似嘅評價。咁作為死忠嘅我但又知道 遊戲改編電影必死 嘅呢個魔咒，所以入場睇係非常忑忐…….

今次第一樣要講嘅係粉絲們可以放心，大家想要想睇嘅野其實都大致上滿意，只係節奏上大家可能未習慣《AC》用一個咁急速嘅手法去交代呢個故事，睇上嚟有少少走馬看花嘅感覺。同時間今次嘅故事主要係補充好多玩家喺現世嘅一啲事件，亦著墨於Abstergo Industries (阿布斯泰戈工業公司) 以及 Templars (聖殿騎士)  喺現實中嘅情況多於古代西班牙嘅情節。呢個設定算係非常大膽，因為《AC》向來賣點就係歷史事件，當劇情著重於現實時間主要方向就有少少為有了解過《AC》嘅觀眾而設立。

電影中 Abstergo Industries (阿布斯泰戈工業公司)

雖然古代西班牙情節唔係特別多，但主要動作場面都喺晒當中，而且好多嘅鏡頭同動作設定都同遊戲中非常相似。戲中亦有唔少遊戲中嘅彩蛋同相關資料，甚至有遊戲角色登場，所以粉絲們要落足眼力同做下功課啦。

啲彩蛋多到！

可惜嘅係三大主角Michael Fassbender(磁力王)、Marion Cotillard(潛行凶間主角死鬼老婆)同Jeremy Irons(BVS蝙蝠俠管家Alfred)好似完全入唔到戲，劇情仲有啲夾硬嚟。好似Jeremy Irons作為極大野心嘅 Abstergo CEO Alan Rikkin (艾倫·里金) 戲中就變左一個行行企企嘅卑鄙小人；Michael Fassbender 就仲有趣，啲情緒起伏真係以為佢演緊個精神病患者。而劇情中更有時候覺得太跳，明明冇分心冇睇漏但會有上文唔接下里嘅感覺。加上有好多情節太簡短交代一啲資訊，雖然《AC》粉一定睇得明，但初接觸嘅觀眾都會有啲迷惘。

我冇玩過咁點算…..

總結

《AC》粉去睇其實係一定收貨(冇辦法啦，愛可以包容一切)，而且係會有續集嘅伏線，但可惜喺依家嘅評價下希望唔好有變數。另外如果你無乜玩過《AC》系列，或者只係聖誕搵套戲睇下又真係對《AC》零認識的話，可能需要抱住平常心。始終《AC》由 2007 第一集到依家，淨係主要作品都有6隻(淨玩返頭 3 集都夠你消磨成個月)，你睇唔明或好多野唔知係正常的。如果睇完覺得對《AC》世界好有興趣就搵返頭三集去了解下，到你玩完應該出左碟，再睇多次可能會發現更多。