《Acid Rain》《酸雨戰爭》係香港玩具品牌公司 ORI TOY（原品玩具)其中一個 3.75 吋 figure玩具系列，由香港玩具設計師劉斯杰 Kit Lau 創作，百分百本地原創，以科幻軍事做題材，精緻舊化及獨特機械設定深得玩具迷歡心，今次就同大家開箱 – 海軍陸戰隊士兵 Agurts Marine Infantry !
包裝封面採用 Kit Lau 所設計嘅插畫，細緻刻畫今次嘅主角 ，側面印有部隊名稱- 海軍陸戰隊士兵 Agurts Marine Infantry
每隻 figure 都有軍事裝備箱包裝，可以拎黎做場景同方便收藏 figure 配件
Agurts Marine Infantry 配件如下，有兩個罐頭，頭盔，衝鋒槍Submachine Gun M2 及手提輕機槍Machine Pistol ，今次最特別當然係個背包，可以放到兩個罐頭的
背包可以開合，質料堅靭，非常容易放入罐頭，而罐頭印有字樣及逼真嘅生銹上色
衝鋒槍Submachine Gun M2 及手提輕機槍Machine Pistol 造工都非當細緻，舊化上色都恰到好處。
Figure 主體包含戰術背心，背心下有布料迷彩戰鬥服，頭部有類似骷髏圖案，頸部有 hoodie 配件，全身都有舊化上色
裝上背包前最好先除下戰術背心
除下背心可見迷彩戰鬥服下的胸部關節，可動度不弱
直接裝上背包即可，非常簡單
著番件戰術背心，全裝備上身!
兩把武器可以卡係背包同figure中間，而且唔容易跌出黎
擺 pose 時間 ! figure 本身都有好多關節，特別係手腕部分，輕易可以擺出舉槍動作，加上腳部嘅貼地關節，擺 pose 得黎又企得穩
隨 figure 附送嘅軍事裝備箱做場景一流，玩味大增
呢隻海軍陸戰隊士兵 Agurts Marine Infantry 可動性比一般外國 3.75 吋 figure 高，而且舊化上色逼真，仲要唔甩色，配件多大大增加玩味度，售價只要兩百蚊有找，難怪推出無耐已經斷貨。如果你都對 Kit Lau 嘅《Acid Rain》《酸雨戰爭》可以留意佢嘅 facebook 或 oritoy嘅官網，當然仲有我地 VJ gamer 啦!
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。