星戰 fans 一定對白兵 Storm Trooper 唔陌生，特別深刻嘅就係《Star Wars: Episode IV – A New Hope》白兵意外撞頭一幕，究竟白兵頭盔係咩一會事同埋帶落去係咩感覺? 孩記先前就推出 1:1 白兵變聲頭盔，不過要做兵嘅話一定要型，所以決定選擇限定版嘅黑兵 Shadow Stormtrooper 變聲頭盔做開箱 !

Star Wars原設定嘅白兵頭盔其實係咁

講頭盔之前介紹下黑兵 Shadow Trooper 先，Shadow Stormtrooper 又稱為 Blackhole Stormtrooper，由白兵 Storm Trooper 嘅精英所組成嘅部隊，當白兵唔夠揪又或者攻勢入到帝國內部 Shadow Stormtrooper 就會出動支援。Shadow Stormtrooper 身穿嘅裝甲除咗顏色唔同，裝甲係使用一種叫”Meltmassif”嘅物質打造，呢種物質可以令到 Shadow Stormtrooper 可以係戰場隱形，裝甲仲使用另一隻叫 “Durastee” 嘅物質，相對白兵嘅裝甲可抵受更高炮火嘅攻擊。

今次呢個 Shadow Stormtrooper 變聲頭盔係運用將會上映嘅《Rogue One: A Star Wars Story》中嘅CG 資料黎製作，外表九成忠於原著，事不宜遲，開箱 !
頭盔大致分為三部分 – 前後加頭蓋，需要前後組裝後才裝上頭蓋。

頭盔前部分有頭帶可調整寬度同高度，最好試啱位先好再砌落去

好簡單咁就砌好咗~

頭盔大致都好detail， 左右部件都呈現到，仲巧妙地成為變聲器開關，面罩嘅細緻位造功都唔差

黑兵頭盔同白兵頭盔除咗顏色有分別，眼罩部分就採用銀色反光物料，型棍十倍!!!

變聲器電池位位於頭盔背部，需要螺絲批開，要 3粒 AAA 電池，而頭盔內部有個可以調節角度嘅細 mic

變聲開關隱藏右面耳仔部分，按下會發出仿通訊器音效，代表已開啟變聲效果，再按一下就關閉變聲效果，變聲效果真係差到喊，試黎試去都冇分別，所以決定放棄，睇條官方片幻想下好過

唔計變聲效果，呢個黑兵 Shadow Stormtrooper 變聲頭盔以$7xx ( 斗斗城預訂價) 價錢黎講都算收貨，1:1 又戴得嘅頭盔都算抵玩，其它牌子 cosplay 級數嘅 1:1 星戰頭盔閒閒地都要過千，對於星戰迷普通玩下又或者當擺設實在係必入之選!

最後就等我親身做 model 試戴XD