相信大家一諗起《進擊的巨人》出 Game 都會覺得唔係無雙都會係動作遊戲，不過今次就真係估佢唔到啦，呢隻《進擊的巨人 絕境脫出 (進撃の巨人 死地からの脱出)》竟然係玩地城逃出既冒險遊戲！遊戲由 KOEI TECMO Games 推出，預定係 2017年 3月 30日發售，對應平台為 Nintendo 3DS。

今次隻 Game 係用動畫版巨人黎做藍本，另外加入原創劇情既冒險遊戲黎。故事監修就由動畫版既編劇瀨古浩司負責，角色設計、事件插圖、舞台背景呢啲就由動畫版製作單位既 WIT STUDIO 負責。

遊戲時間點係原作第57次牆外調查之前，主角同 13位調查兵團成員對牆外既一座古城展開調查活動，其間突然有巨人亂入，然後成班友就係混亂既情況下因為地面崩塌而跌到落地底，點知下面竟然有神秘設施。由於跌落黎果陣整壞咗立體機動裝置，所以成團人為咗逃出古城而行動啦。

故事由古城地底 3 層開始，冒住隨時撞到巨人既風險之下邊解謎邊走佬

係地底望上去係會見到班巨人，無立體機動既情況下咪死死地氣行地底囉 (啲巨人咁熟口面)

地城入面會有道具執

會有機會比巨人捉住，呢個時候有 QTE 玩

一眾熟悉角色都會登場

同時亦會有羈絆系統

唔同既會話選項會影響主角同同伴之間羈絆

做世界仔講啱野對方就會同你 FD 咗 (你睇佢笑到)

講錯野就會嬲嬲豬啦 (咩阿？隻抽丫…..如果你知我係邊個)

暫時黎講公布資料唔多，題材都叫有趣既，遊戲預定係 2017年 3月 30日發售，對應平台為 Nintendo 3DS。