由未選到正式當選美國總統既 Donald Trump 一直以黎都係各方惡搞既對象，之前我地介紹過既《Mr. President!》有得保護 Trump BB，今次就到另一隻新Game《共和黨學園 (Grand Old Academy)》玩愛情，而且仲要係係一隻日系乙女向既正宗戀愛遊戲黎…….喂咩料阿！
咁隻 Game 設定大家都係青春年華 18歲既少男少女，而每年係呢個共和黨學園都會舉辦一個盛大既「辯論部錦標賽」(以共和黨初選為藍本)，每年都會吸引各式各樣既學生報名，當中自然會譜出唔少愛情故事啦！而閣下就會扮演當中既一員：日本美女轉校生「森アメリカ」 ( Mori America)。
隨著故事既發展會出現越黎越多既衝突，友誼受到考驗，聯盟瓦解。但係即使係咁，擁抱真愛將會帶比你希望，好青春丫！！！ (你睇下呢幅圖，好明顯係18歲好明顯係真愛啦！)
部份主要角色介紹：
你所扮演既角色，來自日本轉學生，優點係意志堅定同有同情心。
女主角室友兼好姐妹，同時亦都係辯論錦標賽主持人，唔係幾鐘意 Trump。
有錢仔一名，好鐘意幫人同埋成日比人恰。天然呆。
醫學系預備高材生，擁有超慢屬性，成日都好似就訓著咁，自帶催眠力場技能。
表面非常完美既萬人迷，有幽默感有禮貌又好辯才，極受女同學歡迎，但係因為所有野睇起黎太完美所以覺得條友真實應該流流地。
謎一般既男人，有人話佢係白痴亦都有人話佢係天才。支持者兩極，非常多人鐘意佢亦都非常多人憎佢。天生擁有特別既魅力。
而家隻 Game 就集資緊，已經達標一半啦，而成品亦都會係免費開放比人 DL，現階段亦都開放咗免費 Demo 下載，有興趣既可以去傳送門度睇睇。
回帶相關文章：
VJGamer總編，細細個已經蒲機舖，機齡甚深，熱愛電玩文化。