著名既熱血系列將會有首隻 PS4 既遊戲登場啦！由 ARC System Works 推出，PS4 下載限定既遊戲《熱血亂鬥行進曲：格鬥比賽 SP (ダウンタウン乱闘行進曲 かちぬきかくとう SP) 》將會係今年冬季 正式登場！

有玩過 PS3 果隻熱運動會可能會覺得熟口熟面，無錯今次隻《熱血亂鬥行進曲：格鬥比賽 SP》係用 PS3 隻《熱血行進曲：大運動會 All Star Special》入面既「生存格鬥大會」做藍本，然後大幅度調整對戰平衡同埋加一堆新必殺技同投技，再追加咗新既關卡等等新野做成既。

PS3 版本既格鬥大會

另一樣吸引既地方係今次隻 Game 請到《BlazBlue》系列既製作總監遠藤良平為呢隻 Game 做開發，絕對係信心保證！而且為咗令大家更易上手官方針對格鬥果 Part 特別強化 (喂本身已經好易上手……)，同時間遊戲亦都會有埋線上連線對戰既，成班 FD 玩又真係幾開心既，遊戲會於今年冬季正式登場，PS 4 限定，支持 1-4人遊玩。