過多二日 PS4 PRO 就正式見街啦，相信唔少朋友已經準備定去拎機，之但係而家舊果部入面既資料點算呢？你知啦，有啲野無咗就無咗架啦 (P.T.)！其實又唔洗擔心既，因為 PS4 PRO 其實已經內置咗一個資料傳輸既功能係比你過資料去新機度，就類似 3DS 過資料去 N3DS 咁，實機我地就未有啦，不過根據外媒 GamesRadar+! 都可以睇晒成個流程係點，去片！

第一步：設定 Menu

係 Ps4 Pro 設定 Menu 你會見到有個新選項「Transfer Data from Another PS4」撳落去就會開始成個程序。咁係之後既畫面系統會話比你聽有乜可以傳輸有乜唔可以，可以見到「所有玩家及玩家設定」、「遊戲及保存資料」同埋「截圖及影片」都係屬於可傳輸既項目，而且炒咗都唔驚，因為舊機既資料就算傳輸完都唔會洗你機既，放心。

第二步：接駁二台主機

跟住落黎就要用 LAN 線接駁二台主機去隻 Router 度，記住係呢 Part 開始 2部 PS4 都需要開住機，所有野 Ready 好就可以撳 Next 制，咁部 PS4 Pro 就會開始搵你部舊機架啦。

當 PS4 Pro 搵到舊機既之後，你會見到畫面有呢個提示，呢個時候你就需要撳你舊 PS4 個 Power 制 1秒，聽到「必」一聲之後就 OK。

之後畫面會顯示將會傳輸既「玩家帳號」比你確認，同時系統亦都建議係整個傳輸過程完結之後再去「獎盃」入面再同步一次。

第三步：確認傳輸項目

基本上呢 Part 都係全部要晒過架啦，不過可能有啲野唔想要既，例如相、片、主題等等就可以係度揀埋咁囉，同時會比埋你睇預計需時幾耐完成。

最後：等囉

做晒上面果堆 Setting 之後終於正式開始傳輸，基本上成個過程係極極極慢，350GB 野要用 9 個鐘先搞得掂，強烈建議各位臨訓前搞，咁訓醒就有得玩啦！

部份內容取自外媒 GamesRadar+! (原文連結)