大家有玩過閃亂系列都知道係賣全女班無雙架啦，MarvelousAQL 就發表咗黎緊會有隻閃亂原班人馬，極青春既水著水槍射擊遊戲推出，射到囡囡一面都係既機會黎啦！
隻 Game 名 PEACH BEACN SPLASH 官方就話係自古以來忍者世界中既有既謎之水槍大賽 (乜料……)，參與既忍者少女係需要著住泳衣渣住水槍進行 5vs5 既對戰，而且禁止使用忍者技能，純粹使用大會規定既水槍黎一決勝負，根據資料水槍係可以裝備技能或者必殺技卡片黎 Upgrade 的。
咁話到明係 5vs5 既團戰，除咗故事模式之外就當然有埋 Online 對戰。暫定登場角色會有 30名以上，會包含手機果隻「NewWave Gバースト」入面既人氣角色，當然仲有大家最期待既華麗走光鏡頭啦！
遊戲入面將會有部份模式會支援 PSVR (觀賞 Mode？)，而且係之前既訪問入面提到啲衫既破壞範圍係考慮容許俾玩家調整！！！仲要有部份衫浸濕咗係仲會增加重量，咁你問我增加重量會點？……喂 VJGamer 尺度所限點講阿，自己意會啦！
預購超限定版有極品 Mouse Pad
官網而家開放咗預購，有兩種限定版揀，分別係「超限定にゅうにゅう5周年DXパック」同豪華版，不過我諗大家都係買超限定版架啦！因為會內含等身大雪泉滑鼠墊，比一般 Mouse Pad 大4倍，重量 2KG，真係非常之好「用」！
咁其他內含品就同豪華版一樣，包括：
有八重樫南繪畫的豪華特製BOX！
• 收錄五周年紀念OP動畫BD同埋遊戲主題曲CD『NARAROCK・FESTIVAL』
• 視覺插圖書「HIBAROCK・PARTY」
• 八重樫南繪畫既豪華特製BOX
• 五款限定版DLC：包括服飾，武器，朋友卡和技能卡！
遊戲預計將於2017 年 3月16 日推出，PS4 限定，目前開放預定，仲有唔同既店特，有興趣既朋友不妨上官網睇下。
VJGamer總編，細細個已經蒲機舖，機齡甚深，熱愛電玩文化。