【劇透慎入】

電腦壞到某個地步就要洗機(格式化)，亦即係刪除所有數據，冇備份的話就會灰飛煙滅。數碼世界受損去到一個地步，需要重置。重置嘅，包括數碼暴龍嘅記憶，亦即係佢地會忘記同被選中嘅細路一齊經歷嘅一點一滴。

記憶重置，喺現實世界一樣會發生。一個唔好彩，somehow撞親個頭，乜都記唔番(韓劇情節，下刪一億字)。一個同你經歷過好多好多嘅人企喺你面前，此時佢只係你嘅陌生人。而對方只能喺記憶中回想佢熟悉嘅你，唔能夠同你一齊回味。齋諗，都已經想喊。

「轉世讓記憶結冰」，就算靈魂投身另一個軀體，雙方再次重遇，都唔會記得番到對方。倘若能夠好似張敬軒《靈魂相認》咁，用真摯拾回記憶，呢個世界又會變成點？

身邊嘅人或者你自己，可能一瞬間就重置左記憶，雙方嘅關係就此完結。「活在當下」 ，我明喇。

ps. 未睇嘅準備定紙巾先