相信大部份小圓 Fans 除咗關心麻美學姐個頭之外，最關心既就係故事仲可以點扭落去，話晒劇場版好似已經玩晒啲橋了。慶幸既係 Aniplex 佢地宣佈明年春季將會推出外傳新作《マギアレコード 魔法少女まどか☆マギカ外伝》，而呢隻外傳呢……係手機 Game黎，咁當然係遊戲入面都會交代故事既發展啦！
講到明外傳就梗係有新角色啦，今次角色原案係同樣係由本篇既蒼樹梅所繪製，暫定會有十個以上角色登場，而大家熟悉既舊角亦都會現身。至於魔女方面亦係本篇既「劇団イヌカレー」泥犬負責，片頭動畫就比返 SHAFT 做，相信都會保持到一貫水準。
至於故事大綱暫時資料就無乜，已知舞台係新興都市「神浜市」，而呢班魔法少女似乎係互相吸引而聚集晒係度。
抱有，願望，強烈
少女，魔法，新生故事，
寫下新一頁。
好啦，講咗咁多廢話其實而家已經開始咗事前登錄，有興趣既可以上官方網站登記，遊戲會有 iOS / Android 版本，採取基本免費遊玩方式。
VJGamer總編，細細個已經蒲機舖，機齡甚深，熱愛電玩文化。