以 X ray 透視敵人死狀做賣點嘅潛入射擊遊戲《Sniper Elite》將於下年情人節推出第4部，今次故仔依然設定係二戰，地點轉戰意大利，玩家飾演盟軍特務 Karl Fairburne ，為咗推倒意大利獨裁政權，決定單獨潛入意大利同反抗軍聯手打倒獨裁政權。
玩法同前作一樣，著重潛入原素，玩開《Sniper Elite》系列嘅朋友都知，你支狙射向敵人咩部位都會有 X ray 透視，所以可以瘋狂爆敵人春袋，睇住波子爆開，而今集近攻暗殺敵人亦會以 X ray 透視展現，場景亦多咗景物可以比玩家破壞去消滅敵人!
Sniper Elite 4 | First Gameplay Trailer
《Sniper Elite 4》將會係2017年2月14日情人節 PC／PS4／Xbox One 上推出，預購版仲免費多個 DLC mission 「Target: Führer」暗殺希特勒 !
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。