重視畫面既巴打唔好再睇落去！！！！！！！大多數獨立遊戲畫面都唔會好

今次為大家介紹既第三隻遊戲：Kerbal Space Program

相比起上面3隻遊戲，呢隻其實唔太算獨立遊戲，但勉強都可以叫做一隻冷門小品， 呢隻game係講述某大國既航天夢，設計，建造，發射自己既火箭，你可以去月球漫步，你可以係太空遊蕩，可以飛到任何一個你見到既星球，遊戲好玩之處，莫過於做到現實中做唔到既事……

遊戲既上手難度係非常之高（亦符合我hardcore既作風），要成功起飛亦非易事。就咁睇呢隻game好似冇咩值得推介，只係一隻普通嘅航天遊戲，但係，我最欣賞佢就係呢隻遊戲每次更新都有誠意，由最初既普通砌飛船上太空，慢慢變到可以登月，再慢慢變到可以係月球上漫步，再更新到可以去好多不同星系，再發展到可以自己起太空站等等，令到隻遊戲既元素生色不少。
而最近既更新亦加入左少少模擬經營嘅成份，玩家好像模擬緊一間航天公司，玩家要用有限既資源去進行升空，每次都要自負盈虧，令遊戲難度大大提高！如果行錯一步，更加可能要斬掉重練。

首先講砌火箭，火箭嘅每一個部份亦都可以由玩家自行發揮 由機身、發射器、引擎、降落傘、起落架去到裝飾 亦都可以發揮你嘅創意，而且每一個部分亦會有唔同既重量，形狀，沒有最好既配件，只有最合用既配件，係某一d模式更加要考慮埋佢既價錢同埋要由玩家慢慢研究解鎖。

去到駕駛嘅部份玩家由火箭發射果一刻已經係需要控制火箭，當中仲要留意佢嘅燃料、高度同埋用電等等方面，直到火箭衝出大氣層，進入宇宙嗰一刻。玩家真係會感受到極大嘅成就感，因為你嘅火箭同某強國一樣，都係會經過無數嘅失敗，先可以飛出地球！

遊戲既畫面其實非常之精美，10分我會俾8分，雖然係卡通畫風，但係可以睇得出開發者有心做畫面同特效，而且你可以透過畫面感受到一份太空既宏偉，唔係講笑！飛到出太空你就知！

隻game雖然係幾仿真，但亦提供好大既空間俾玩家，只要你有無限既創意，加上不斷既失敗，就算外表幾奇怪，都飛得起！

Mod亦係此game其中一個最大既賣點，不同既飛船、功能mod ，唔知幾時出到太空站呢？

評分

畫面：8

卡通畫風，但睇得出開發者係有用心係畫面之上，飛到上太空 望返落地球，你會感受到有幾宏偉
 
遊戲性：9

自由度極大！玩法創新！但深入既遊戲內容就差小小，如果可以做到好像火星任務咁，可以係星球生存 真係一流！
 
上手難度：8.5

唔睇教學之下 大約2hrs 成功起飛 ，想飛到月球？一日都唔知得唔得，更唔好講話其他星球！
 
內容：8

幾年黎不斷更新，出到好多星球，又可以自己起太空站，又可以接軌咁，算係咁啦！