近排見到三叔個 note 7 廣告，就好似睇緊個炸彈廣告咁，今次真係柒到核爆，日本唔知係咪玩嘢，係呢個時候推出龍珠「自爆餃子」背囊 !

點解叫「自爆餃子」? 因為係《龍珠》故仔裏面，餃子為救天津飯攬住那霸自爆 !

而呢個背囊就參照餃子攬住那霸自爆果陣嘅姿勢設計，而餃子個樣都交足戲死老豆咁款，充份表現漫畫裏面嘅神情 ! 背囊背部仲有拉鍊開口比你放八逹通之類嘅卡，實用之餘唔係得個樣。

預計下年2月有售，售價￥5,400