係今日 BANDAI NAMCO Entertainment 為配合東京遊戲展開幕，放咗第三條宣傳影片出黎，而今次呢條影片除咗一貫既名場面，戰鬥畫面 Showoff 之外，最重要係包含埋遊戲系統資訊，包括新系統、舊系統復活等等，而且仲首次有得聽由鈴華優子唱既 Ending 歌「Remains」！

新系統「GET」

今集 Guest 機會加設一條 GET 氣槽，每當擊破敵機就會曾加，當 GET 能量槽儲滿後機體將會直接登錄生產 List，其實就類似初代 ACE 系統，初代不論任何機達到 ACE 級就可以登錄生產 List，重現呢個系統絕對係一大好事黎！

「SFS」系統復活

其實即係載具系統，利用「SFS」系統將可以大幅度增加機體移動範圍。

係艦上出擊已搭載載具既機體移動指令後，可以透過「降機」指令再次行動，從而達到大範圍移動既目的。

相反亦都可以搭乘閒置既載具達成再次移動既目的

「小隊連携攻擊」

其實連携攻擊就不嬲都有，不過今次可以由戰艦發動！

戰艦移動後選擇攻擊對象

指揮同射程範圍內既友機可以一齊進行小隊連携攻擊

「任務系統」

達成任務條件可以獲得相應既報酬，除咗道具之外仲會有機師同機體，靠任務大家應該可以慳返唔少錢……

「隊伍編成」、「機體設計」

喂集集都有架啦……唔係要我講下話？

「機體交換」

其實都有咗好多集，不過都係講少少啦，每隻機體都會有相應既 Cost 值，利用交換系統就可以換到咁上下 Cost 值既其他機體，因為升 LV Cost 值都會增加既關係，所以可以好快速咁換到第二條 Line 既機體，多多利用啦！

今次亦都順手公佈埋預約特典，係遊戲發售之後可以免費獲得之後既追加內容，分別係《反骨仔凱撒衛》、《THE ORIGIN》、《ADVANCE OF Z》同埋《GUNDAM Thunderbolt》既機體，遊戲將於今年 11月 22日上市，遊戲將設有日文同繁體中文，分別有 PS4 同 PS Vita 版本。

回帶相關文章：

寫明高達啊！《SD高達G世代 創世》繁體中文版與日版同步發售