重視畫面既巴打唔好再睇落去！！！！！！！大多數獨立遊戲畫面都唔會好

今次為大家介紹既第三隻遊戲：One Way Heroics 片道勇者

呢隻係日式傳統rpg 回合制、打裝、打怪 ，睇落平凡到不得了，而我介紹得，絕對就唔會係普通game咁簡單，呢隻game，講明係one way ，你只可以向右行，重會有一道格雷的陰影追住你，如果俾佢掂到就gameover，睇落好似節奏好快？不然！佢係以回合制既模式玩，即係每一步你都要計算在內，例如你見到一個寶箱係一間房入面，你慢慢走入去開箱，但開完之後已經發現道陰影係你後面，你再走一步、兩步，佢已經追到你，game over!

成個遊戲每一步你都要諗清楚，又唔係話唔可以走回頭路，但當你亂行，浪費行動點既時候，陰影越來越近既時候，可能見到寶箱都開唔到，可能見到怪都唔敢打，重可能去到一啲地形會無去路，只可以走回頭路，白白憋死。

而且遊戲入面你將會不斷不斷不斷不斷地死亡，一開始可能一兩lv 就會死一次，但每一次死後，都可能會解鎖唔同既職業，隨住不斷死亡，你會搵到一條最適合自己既路，而且每次死之後都會有個計分表，俾你追分追成績，真係打機都要挑戰自我。

玩呢隻遊戲既時候 可以話係沒有最好 只有更好，你唔會打完某一隻boss就爆機，而係佢會隨機生好多不同既boss俾你打，一次一次挑戰高分，刷新記錄，可能去到最後，你既屬性同裝備都去到極致，但因為行錯路，差錯步，入左間得一道門既房，被陰影殺死。

好玩之處係當你每死一次之後，你就會想黎多一次，之後你又會死一次，又再黎一次，上癮度極高，而且每次既世界都係隨機產生，每次玩都有唔同既地形，絕唔會重覆！
順帶一提，玩呢隻game記住開聲，配樂一流！

壞處：耐玩性低，當你玩到某一個位既時候，你俾唔到原因自己再開呢隻game，但我都會叫你試一試先。