重視畫面既巴打唔好再睇落去！！！！！！！大多數獨立遊戲畫面都唔會好

今次到第二隻 更冷門 更小品既作品：矮人要塞 Dwarf fortress

事先講明，呢隻遊戲係非常兩極化，hardcore玩家會覺得呢隻係神作，因為佢係我玩過既game入面最多遊戲元素、自由度最高既一隻game(當然多唔一定好) ，但一般遊戲新手，一入game可能已經想del game。

怕煩、無時間、只想輕鬆下既巴打、對畫面有要求，絕對唔會鐘意呢隻game！呢隻絕對絕對唔係快餐game！

冷門原因有二：－畫面、二上手難，呢隻係由創科局同科學園技術水平製作既純文字遊戲，但唔洗驚，大家唔洗只睇文字而玩，呢隻驚已經出咗圖像化既遊戲

左為原畫面 右為材質包

係呢隻game入面可以做啲咩？我不妨一一列舉：

馴養野生動物、渣牛奶、製作乳酪、用植物纖維織布、handmade衫、垃圾處理、用水車或者風車磨麵粉、養貓控制鼠害、幫移民分配工作、幫死者辦一個好好睇睇既身後事、貿易、軍隊訓練、搵乾淨的水源、種菜、施肥、養豬養牛、起永動機、殺吸血鬼，用人皮做手套，重有百幾二百種現實同魔幻既生物可以俾你魚肉。

你既矮人重會生仔生女，生得太多記住叫佢地帶套，如果唔係就等變印度。

你既矮人重會開酒party，當然，酒後亂性係常識啦。

咁係點玩啊？遊戲入面無特定目標，你可以當城防遊戲玩，挖下地洞，做下陷阱、打造兵器，一騎當千，又可以起下樓、開個廣場，挖個噴泉，改善城市環境

醫院有咩做？遊戲入面有各種大大小小既疾病、敵方係你個城死太多人，你清潔唔切，可能會引致瘟疫，老鼠太多亦會有鼠疫，醫院重可以出到soap、crutch 、打石膏等等既物品，只有諗到既，佢都有！無好好處理傷口可能會感染、腐爛、截肢，甚至會留低疤痕。

你既水源亦要自己引水、水可以用黎做咩？清洗傷口、沖涼、飲用、種田，你既矮人亦可能會因為跌入水溺斃，咁你就要排走水、打撈佢既屍體。

種植可以玩啲咩？你可以釀酒、做染料、做布料，每棵樹有佢自己唔同既燃點、火既溫度亦會唔同，灌溉系統要自己設計、點樣放牧同種植都係一門學問。玩呢隻game有人真係會抄低notes。

每個矮人都有獨特的名字、外貌、髮型、身材、個性、專長、人際關係、優缺點、愛好、族譜等等！每個矮人都會依照自己既性格行動，好似毒向左走向右走矮人就討厭開p；訓練有健忘症既矮人就會加倍困難；有藝術細胞的矮人學習雕刻就會事半功倍，矮人既心情亦要留意，如果佢死咗隻狗／俾人飛／死老婆，可能會傷心到痴咗線走去屠城。

每一粒唔同既礦物 有佢唔同既燃點、密度、融點、功能，所以可以做出唔同性能既武器

做唔好以上講既野，可能會引致 餓死、暴動、鬧鬼、俾高處掉落黎既野壓死、水災、火災、傳染病、俾人雞姦、鱷魚有時候會由河跑出黎咬人，大象會一腳踩死矮人，哥布林會偷你個仔返去吃。

重點係，我以上所講既元素，可能只係占遊戲20%左右。

呢隻game比起rimworld唔同既係，佢更加著重城市、國家呢兩種元素，玩家需要建立自己既城市，而唔係單單一個基地，電腦亦會模擬 每個文明唔同既歷史，包括唔同城市既人口、糧食產量、生死、互動各種元素。

身體系統比起rimworld更復雜好玩，每隻動物既四肢、五官、肌肉、脂肪、骨骼、內臟，眼皮、指甲、JJ亦會計算在內，而且各個部位都可以被傷害，而且會造成唔同既影響，你既矮人亦可能因為太痛而暈低，俾人打肚都可能搞到佢嘔！

但呢隻畫面咁差既game都有咁多人留意，唔係無原因，呢個game好玩在遊戲性同難玩程度，利申 重未深入研究呢隻game，有巴打陪我的話，大家可以癲一次。因為玩呢隻game ，同係大學入面修6個cred有過之而無不及 ！

至於遊戲係免費download ，如果有巴打想一齊玩 我地再搵到好既版本一齊玩下  (編按：有中文化包)