重視畫面既巴打唔好再睇落去！！！！！！！大多數獨立遊戲畫面都唔會好

為大家介紹既第一隻遊戲：Rimworld

呢隻遊戲係講述一班香港人因為2047年中國政府收回香港，並改名為香港市，香港正式染紅，民不聊生，所以一班IT狗聯同乞食既哂銀時仔一齊起咗一架逃生船，玩逃出香港，最後降落到一個星球……..

遊戲中，玩家一開始只有3條廢青，隨住遊戲進度，會有不同既人員加入。每一個人仔都有佢背景故事，如果佢係一個港女，佢會拒絕做勞動工作同食m記，如果佢係一個毒向左走向右走，佢會唔鐘意同其他人交流等等

隨住每場戰鬥、天災，你既人仔可能會病、會斷手、會斷腳、心肺系統有問題 等等 ，遊戲中俾玩家好大既自由度，可以將人仔、捉到既人切手、切腳、換心等等，令佢地重拾健康 

係遊戲中，你會獲得更多的殖民者難民，亦可以從奴隸販子中買賣人口，或挽救佢地。最近更新亦加入咗寵物系統，你可以訓練你既狗仔或者高登admin，叫佢幫你殺人、搬運等等。

玩家需要一手一腳興建自己既基地，由材料、分配人手、搵食物、煮食、種菜、科研、防衛、發電 多不勝數既事 都係由玩家分配，你可以當玩the sims 咁 等人仔相戀相愛 建下屋 起下傢具 ，又可以玩普通模式，抵拒外敵，保護自己既殖民地。

遊戲中亦有不少隨機事情，可能會有海盜攻擊你，又有可能有大陸旅行團黎探訪（你可以同佢交易，又可以打勁佢），亦有風暴等等既事件。

遊戲賣點：
自由度極大：有隻遊戲個身體系統咁細微真係好難得，人地射中你隻腳,moving會降低 射中你隻手 control會減少，等等都好寫實。

支援Mod：

大量mod誕生，武器、物品、食人mod、炮台mod、廚房mod，耐玩度極高！

畫面：

好明顯係2D 上帝視角，無咩好講，但老老實實 唔算差，唔會起哂角咁，人物換衫亦是顯示 ，特效亦做得唔錯！
好玩之處在於當你一步一步幫你既人仔升技能，見住佢拍拖、結婚，一齊相處300天。可能一場流感、一場戰鬥，令佢斷手斷腳，你會花一切努力醫返好佢，亦可能會買高科技仿生身體器官借機強化佢，令佢變成人造人。當中亦有好大戰略成份，一開始咩物資都無，你要同時間競賽，如果唔係，可能第一個敵人未到，你可能已經餓死咗。總括而言，呢隻可以話係遊戲版既火星任務！太多太多玩法，未能盡說，自己玩下，先真正體會到遊戲精髓之處。

開心版正版都有，最簡單方法去steam買，平靚正，支援各mod，少少錢支持下indie game既作者