有番咁上下 game 齡嘅朋友一定有玩過《Commandos》系列，當中嘅即時戰略 + 潛入元素的確非常好玩同受歡迎。德國遊戲公司 Daedalic Entertainment 就係 Gamecom 2016 發佈一隻相似玩法嘅game -《Shadow Tactics: Blades of the Shogun》。
遊戲背景設定係日本江戶幕府時代，一班擁有不同能力嘅戰士組成「影子軍團」去消滅意圖推翻將軍嘅勢力。玩家要控制「影子軍團」成員 – 忍者隼人（ハヤト）丶武士無限（ムゲン）丶藝者愛子（アイコ）丶獵人小雪及槍手拓馬（タクマ）去完成各種任務。
玩家要跟據各團員不同嘅能力同技能，決定幾時要團體出擊，幾時要單獨行動，例如忍者隼人可以係茶下毒進行暗殺行動，武士無限可以一次解決 3 個敵人。呢隻遊戲潛入元素都好重要，殺死敵人要將屍體運送到隱密嘅地方以免被敵人發現，而地圖上會些埸景例如塔樓堆積嘅木桶，玩家可以切斷縄索而觸法意外去解決敵人。
《Shadow Tactics: Blades of the Shogun》trailer
《Shadow Tactics: Blades of the Shogun》會係 PC／PS4／Xbox One 上推出，推出時間未定，有興趣嘅朋友記住留意我地 VJ gamer嘅報導啦!
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。