傳左好一陣子話 PS4 新機有 4K 叫 Neo，咁大家都估 E3 會公佈，咁結果到 Gamescom 都冇啦！咁可能等到 TGS 2016 佢地主場先講都唔出奇。

但係外國遊戲論壇 NeoGAF 突然有好多人話有 PS4 新機喎。

要大家可惜啦，呢部只係九月發佈嘅 PS4 Slim 而並唔係 Neo。就咁睇包裝其實都唔覺佢「Slim」左幾多。

但拎出嚟同舊機或者 Xbox One 對一對，真係薄左又細左半個碼。

但最抵錫係將個殺得死人嘅尖角位變返圓

仲將觸控開關同碟位變返做個掣，減少好多「意外」發生率。

機低腳用△◯✕☐型狀同機身一體嘅設計，唔再有「可折式」軟膠腳，但散熱位相對比現版細好多。另外值得留意既係無咗光纖位，可能淨係得返 HDMI 出聲啦。

其他配件就同依家嘅冇分別啦。有興趣就睇下 TGS 有冇新資料，定真係九月先發佈啦。