《Pokémon Go》嘅推出引起業界紛紛「抄考」，好多公司都運用 AR (虛擬實境) 及 GPS 技術推出手機遊戲分一杯羹。韓國就有間硏究 AR 技術嘅 Aiara 公司推出一款叫《Crayonpang GoGo》嘅手遊，以可以令自己著色嘅公仔變成遊戲人物做賣點殺出條血路!
《Crayonpang GoGo》主要運用 AR 技術，利用手機鏡頭讀取玩家著色嘅公仔，再以 AR 方式令到玩家著色嘅公仔以 3D 模樣出現係手機畫面，以呢種方法製造各種名叫「Cramon」嘅角色(之係 pokémon )。

同時間玩家都要運用 GPS 周圍去捕捉其它嘅「Cramon」，而且仲會有類似《Pokémon Go》嘅 pokestop比玩家補給，遊戲都會有圖鑑去睇番自己目前捉到嘅「Cramon」數量同狀況。

整體黎講，同《Pokémon Go》嘅玩法有八成相似，以 AR 方式令到玩家著色嘅公仔成為遊戲人物的確有d創意，遊戲預定今年 8 月中推岀，如果《Pokémon Go》仲係無大更新同埋改善外掛情況，《Crayonpang GoGo》分分鐘鐘可以係眾多山寨game中突圍而出。