無雙撈英傑傳早前光榮就出咗條片頭動畫，仲講埋隻野有咩特色添，呢隻 SLG 版無雙《真‧三國無雙 英傑傳》將會推出 PlayStation 4 同埋 PlayStation Vita 版本，而繁體中文版正式宣布於 2016 年10 月 27 日推出。

咁今次既主角係見慣見熟既「趙雲」之外，仲會有新角色「黎霞」、同埋係三國時代已經用槍既「雷斌」。故事就又係東漢末年，又係打「黃巾賊」，然後住係常山既「趙雲」同佢個毒撚 FD「雷斌」就收到風，話有個黃巾殘黨盤據住既「謎樣祠堂」入面出現咗人柱，然後二條友就懷住興奮既心情去冒險啦。咁當佢地入到去祠堂既時候就發現有條女比人封印咗係碌柱度，然後同黃巾殘黨戰鬥緊果陣，冰封既少女「黎霞」就覺醒咗，然後就跟咗「趙雲」同「雷斌」三人踏上旅途啦，嘩幾鬼老土。

咁講返隻 Game 個 System，基本上係傳統 SLG 回合制，除咗基本既近攻遠攻，亦都有攻擊敵人側面背面傷害加成既。比較特別既係當每次攻擊敵人之後會累積共鳴值，當儲滿之後可以使出「共鳴亂舞」，使出後係一定時間內連打 O 鍵，連打次數越多共鳴亂舞傷害值就越高。

另外遊戲會取得一個叫「天絆鏡 (てんばんきょう)」既道具，透過「天絆鏡」可以接觸到登場人物既想法，並且可以觀看邂逅武將既各種對話事件，從而更進一步知道佢地既個性同埋志願，而最緊要果樣就係觀看對話之後，係可以得到金錢、道具仲有 SP 等等獎勵。

完成特定條件，會增加武將的對話事件，對話事件後會開放新劇情故事，甚至使武將加入自軍

戰鬥系統以外仲有武將育成系統，透過戰鬥或者「天絆鏡」就可以得到，打開成個白貓升級版面一樣既「八卦泉」就可以為武將升級，除咗增加體力、提升移動距離呢啲例牌野之外仲有各種有利戰鬥既能力。

最後就係無雙必有既武器升級，人物可裝備購自商人或者戰鬥時取得既武器。各武器除具備提升武將能力既「效果」外，仲有攻擊追加效果既「屬性」，同普通無雙一樣可以將「效果」同「屬性」移轉至其他武器，而且係有得為武器提升攻擊力都算係咁啦。

特殊鍛鍊：將武器附屬「效果」移轉至其他武器

強化鍛鍊：提升武器的攻擊力，依攻擊力上升幅度會增加鍛鍊費用