之前 PlayStation 就推出咗係 Xperia 系列上面使用既 PS4 Remote Play App啦，然後就有第三方將佢改為所有機種適用，不過都只係限於 Android 機，而家終於到 iOS 都有啦！由 Bitwise Solutions 推出既《PlayCast》已經上架啦，佢係一款可以比玩家利用遠端遙控 PS4 既程式，只要部 PS4 有上網同係關機以外既狀態 (橙燈待機都得)，就算出街都可以玩到屋企部 PS4 啦，不過小心爆 Data，最好都係有 Wifi 先玩啦。
無 PSV 又用iOS 既玩家終於可以玩咸濕排球啦
《PlayCast》分別支援 iPhone、iPad、iPod Touch，咁係畫面會有虛擬搖桿提供比你，唔滿意既都可以用 Apple 認證既外置 Joypad既，不過現階段就唔接受 PS4 既手制啦，而根據官方既資料，遊戲既畫質係會去到 720p / 60 Fps ，官方就話會係好低既 Delay，不過根據經驗你無 5G Wifi 都唔好諗啦，另外唔知因為個 App 太新定係未 Debug 好既關係，App Store 上面有唔少人都話用唔到，我地就梗係建議大家等多陣先，話晒都要比錢買，個 App 都要成 HKD $78 架！
VJGamer總編，細細個已經蒲機舖，機齡甚深，熱愛電玩文化。