今次真係正丫，琴日 LEVEL-5 發表咗一款全新作品《メガトン級ムサシ》(百萬噸級武藏)，係久違咗好耐既熱血超級系機械人作品，最正既佢係屬於跨媒體作品，即係咩？咪就係除咗 Game 之外仲會有動畫、漫畫同玩具等等，成個計劃將會係 2017年夏季開始，而且琴日仲公開埋《百萬噸級武藏》第一集既動畫！！

《百萬噸級武藏》故事係講係西元 2018 年地球遭到神秘外星人入侵，90% 既人類都 GG，僅存既人類都係住係大型既避難所裡面，因為世界太絕望既關係所以係避難所入面僅存既人類記憶都會修改，忘記晒所有有關被入侵既記憶。

被入侵後地表樣貌

避難所外觀同結構

主角所居住既街道面貌

而三位主角為咗展開反攻作戰收復返地球，佢地將會駕駛住名為「武藏」，由三架飛機合體而成，60 公尺高既超級機器人 (好矮！) 黎同外星人作戰！

三機合體！

三位主角

動畫入面展示咗最主要既戰鬥系統，機師們可以透過「卡牌」黎到召喚武裝，對應唔同既武裝就會有唔同既絕招，似乎係會有極大量既卡牌，事關第一集已經換咗3張卡鳥……唔知出擊之前洗唔洗砌 Deck 先呢？

插卡換裝

其他武裝

動畫之外亦都有透露小小遊戲既資訊，《百萬噸級》第一款遊戲係會採用 ARPG 型式，暫時只係知道有得換乘機體同埋卡牌元素，已知既係必定會有 3DS 版本，但就未知係咪單平台啦，希望家用機都有啦！

咁玩具方面係會同 BANDAI 合作既，將會有全新既系列推出，而且唔係純膠，而係有部份位置採用金屬既合金玩具黎，標榜住可重現動畫中出現既絕招動作、語音同歌曲，是咪意味住部野有 Speaker？

除咗合金玩具之外，好明顯見到後面有大量卡牌既 Demo Show咗出黎，相信都會順手出埋 Card Game架啦，不過呢方面就未有資料住。而今次成個計劃係會同知名漫畫雜誌「週刊少年 Jump」合作，相信會成為 2017 年既夏季既焦點。