對好多未接觸過《伊蘇》系列既人一直都以為係回合制 RPG黎，其實佢係一隻類似薩爾達咁玩既 ARPG 黎，雖然畫面算唔上一流令唔少人卻步，但係系列一直都注重遊戲性同劇情，絕對係佳作黎(當然佢啲動畫都幾好J)！今次《伊蘇 8 丹娜的鼻涕日》PS Vita日版將會係 7月 21日上市，想玩繁體中文版既就要等到 8 月11日先有啦，都係 PS Vita 版本。
《伊蘇 8 丹娜的鼻涕日》係繼《英雄傳說 閃之軌跡》、《英雄傳說 空之軌跡 Evolution》之後，為咗慶祝紀念 Nihon Falcom Coporation 創立 35 週年既最新作品，遊戲會有多種豐富既戰鬥系統，冒險系統同埋亦都會有之前大受好評既 Auto Mapping「地圖作成」供探索之外，又有可以集結漂流者繼而發展同擴大既「漂流村」，仲有可以挑戰其他漂流者所居住，防衛地區既「迎擊戰」，都幾難悶。
另一個特點係今集主角除咗有紅髮後宮王之稱既「亞特魯」之外，仲會有另一位主角「丹娜」，即係封面藍色頭髮好好丁果個。「丹娜」佢只會係主角FF(夢境)果陣先會出現，透過 FF 既過程會了解更多「丹娜」既故事，而且「亞特魯」係既故事劇情係會因應「丹娜」既行動而改變，反之亦然，似乎要 J 晒全部劇情就要靠多週目啦。另外曾經係舊作《伊蘇 塞爾塞塔的樹海》登場既角色 グリゼルダ 亦都會再度登場！
最後再提多次 7月 21日推出既係日文 PS Vita 版本，繁中 PS Vita 版本要到 8 月11日先有，而 PS4 版本係 2017年預訂，至於 PC 版就係無消息 Sosad……
VJGamer總編，細細個已經蒲機舖，機齡甚深，熱愛電玩文化。