相信大家晚晚玩《Overwatch》打 Ranking 都打到好忙啦，但係 Blizzard 真係唔打算比大家轉 Game，根據外國媒體 IGN 既消息，新英雄將會係 7月 21日推出！！

好啦，日期就叫做知道咗啦，咁到底新角色係乜呢，早前係《Overwatch》官方 Twitter 就出咗張武器設定圖已經露出端倪，再根據之前 一條 GameSpot 既紀錄片，就唔小心地透露咗新角色既面目。而經過 Reddit 整合既資料，就有下面既發現啦！

呢支槍係由塔佬 Design，搭載咗 Mercy 既補血科技，似乎係有補血功能既狙擊槍

係相中右邊部電腦，出現一個係 Support 位，用狙擊槍矇面既英雄，基本上已經可以肯定係黎緊推出既新英雄黎

另外亦都見到美術人員畫緊既槍瞄準鏡，現時遊戲裡面係無任何角色有呢種鏡，同時亦都見到 Blizzard 員工係 One Piece 愛好者，左面隻女帝好正……

咁角色外型就大約知道係點，但係佢身份係咩呢，似乎就係大家估咗好耐，雷震子既阿媽 Sombra，來自遊戲裡面多個地方既彩蛋同埋相關影片可以推論出呢點！

首先係原 Overwatch成員，只有最右手邊既 Sombra 仲未現身

另一張原 Overwatch 成員圖片 (可見左邊既 Sombra 係使用狙擊槍)

多拉多地圖入面，Sombra 個 File 就係 76側邊

係多拉多地下既報紙，有關 Sombra 既報導 (留意外型)

阿奴比斯神廟準備房入面，就擺咗 Sombra 既 File，仲有清晰既圖片，同上面 Blizzard 紀錄片既外型 Match！！

另外仲有少少資料要補充，係遊戲入面如果死神比 Snpier 打到果陣有機會講：「Where’s Sombra when you need her」，相信係基於大家都係原 Overwatch 隊員既關係先有呢個語音。除咗死神之外，雷震子如果係同 76 同隊既話，開場前 76 就會同雷震子講：「Pharah’s mother was an inspiration for him」，之後雷震子就會回佢：「You doesn’t know her well」，進一步暗示 Sombra 係 Overwatch 解散後，加入咗死神果邊既 Blackwatch，亦都加強咗 Sombra 係雷震子阿媽既可信性，反正等多兩個禮拜就會知道啦，大家一齊搵下有無未發現既野啦。

有興趣既可以睇埋條紀錄片