公佈咗一段時間，PC 版終於實裝「競技對戰」模式啦，只要夠 25LV 就會 Unlock，至於 PS4 同 Xbox One 既玩家就要等多陣啦！

只要上到 25LV就會 Unlock，官方話係為咗比大家熟悉地圖同角色先啵…….

實力排名：

係「競技對戰」模式會有樣野叫做實力排名，表示，玩家在開始競技生涯前，係須要先打 10 場預選賽黎測試實力，從而獲得初始實力排名。而呢個排名係會介乎於 1 到 100 間既數字，數字愈高代表實力愈強，而實力排名會依據多種因素影響，例如係玩家表現以及比賽中其他玩家既實力。

賽季：

競技對戰會包含四個賽季，每個賽季將會持續兩個半月。玩家可以係賽季結束重置之前提升自己實力排名並提升自己位階。而係賽季結束之後會有兩個星期比你休息，之後新既賽季會由預選賽階段重新開始。

對戰類型調整：

控制地圖：
控制地圖會以五戰三勝類型進行，先搶下三局隊伍獲勝。

護送/混合地圖：
有護送元素既地圖，每當一個目標點被佔領或者護送目標抵達檢查點時，隊伍都會得到一分。兩隊輪流攻守，回合結束後，最多分數既隊伍獲勝。如果平手或者無任何一支隊伍將目標護送到終點就會係護送距離較遠既隊伍獲勝。混合型地圖 (國王大道、努巴尼、或好萊塢)，如果兩隊一分都無或者平手既話，則進入殊死戰。

佔領地圖：
佔領地圖用雙方會各擔任一輪攻擊方。雙方回合結束後，拿下最多據點者勝。如果第一支隊伍一個據點都無拿下，比賽會在第二支隊伍拿下第一個目標後結束。

如果前兩回合後分數打平，每隊將開始進行第二輪攻擊。同標準模式下五分鐘進攻時間唔同，係「競技對戰」模式下雙方只有在上一個攻擊回合所剩下的時間。如果有其中一支隊伍無多餘時間淨既話，就不會進行額外回合。

另外如果有隊伍在前一回合僅剩時間小於兩分鐘，他們既時間就會調整至兩分鐘整，當任一支隊伍既進攻時間歸零時，會由拿下最高分隊伍獲勝。倘若雙方皆時間用盡且平手，則比賽進入殊死戰。

殊死戰：
在殊死戰下，遊戲將隨機安排兩隊攻守。之後雙方將展開一回合簡短對戰。如果攻擊方係時間結束之前拿下第一個目標，佢地將會獲勝；反之將由防守方獲得勝利。

而今次既殊死戰機制只限於本夏季賽季，未來會進行更新，到時再為大家報導。

獎勵：
打得咁辛苦梗係為咗獎勵啦，當賽季結束時，任何一位完成10場預選賽既玩家都會獲得特殊噴漆同埋玩家頭像，而且好似爐石咁每一季都會有唔同既設計。

除頭噴漆，頭像之外，係會黃金武器既存在。當每次獲勝既時候都會得到競技點數，而係賽季末亦都會根據表現，另外再會有點數得到。呢啲競技點數就係用黎買黃金武器架啦。

係賽季進行既時候係會係遊戲入面社群高手既排行，如果係競技爭霸成功打入前500名既話，你就會獲得特殊既訊息通知，只要保持當前既排名就可以持續擁有。

懲罰玩家行為：
係競技對戰模式係會有懲罰存在，如果係比賽中暫離或者走場將會令你無法係該比賽結束前加入新既遊戲，但係係容許你重新加入該場比賽。但如果你無返到之前場比賽，就會受到中離懲罰。

而持續既違規行為將會限制你參加未來既競技比賽，當違反行為不斷累犯，競技對戰被封鎖既時間會持續增加。而乖乖地完成比賽則會可以令帳號逐漸回復到正常狀態。但重覆既違反行為將可能令你直接被剔出呢季既競技對戰，包含獎勵沒收！

• 如果係遊戲前兩分鐘閒置或者中離，則該場對戰將會被取消。如果係對戰取消之前離開，將會令你係該場遊戲結束前，無法加入新遊戲。

• 如果上述情況發生係比賽開始兩分鐘之後，你將會有一分鐘既時間重新連接返比賽。如果返咗去比賽會正常地繼續；如果無，淨低既玩家將會有不受到懲罰並離開既選項，但離開既玩家都會被紀錄一敗。

• 「閒置」：玩家無碰觸滑鼠或者鍵盤超過30秒，無論係角色選擇頁面、遊戲前倒數、或者係主畫面都會收到閒置警告。如果警告後15秒仍然沒有動作，玩家就會從遊戲中被踢出。另外，玩家如果規避戰鬥超過三分鐘也會被視為消極既閒置行為。