日本廠 embrace 以《Street Fighter 3》為主題，推出名為《Fighters Legendary》嘅雕像系列，每隻雕像約有23cm高，之前都已經推出過春麗，今次終於輪到主角阿龍，今次作品由イケノ氏所繪製嘅插圖為藍本，再由日本著名雕刻師OZ製作，而雕像嘅配件「頭陀袋」則由上次製作春麗雕像嘅伊藤嘉紀製作。
呢隻阿龍雕像身上嘅肌肉線條及暴筋整得非常仔細逼真，形造出蓄勢待發預備戰鬥嘅模樣，而服裝造型都有戰損嘅細節表現，絕對係大師作品，Fans恩物!
參考售價約11,880 yen，預計2016年10月下旬推出。
要買嘅朋友要主意啦，呢隻係日本商店mile-stone限定發售，可能要搵代購先買到。
呢隻日本嘢可能難買，不妨考慮下呢隻由香港廠 – Storm Collectibles 推出嘅 1/12 可動 figure 阿龍，以《Street Fighter 5》為主題，未講幾時出，有消息再同大家介紹~
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。