上次叫咗介紹過下，今次有新資料，越睇越覺得呢隻野有潛力！而家講下基本上掌握到既資訊先！

2016 E3 遊戲宣傳影片

基本系統

同爐石一樣，只要扣晒對面英雄生命值就會贏，一樣係隨住每回合增加一粒魔力水晶 (水晶數目越高可用越高 Cost 卡牌)，透過係場上放置卡牌黎攻擊對方生物或者英雄，卡牌類型已知既有生物卡、動作卡、物品卡、支援卡。其中生物卡有部份會含有技能，例如 Guard 即係爐石既嘲諷，必需打死佢先可以打其他目標；Breakthrough 擊殺對方生物之後會將剩餘既攻擊力轉為對敵方英雄傷害；Summon 等同戰吼，打出時附帶效果；仲有種叫 Last Gasp，即係死亡之聲，被擊破時會發生附帶效果。除咗以上講幾樣，最大分別係當英雄每扣5滴血就會發動符文抽一張卡，如果卡有 Prophecy 能力既話可以立即使用，隨時有一次扭轉局勢既可能！

開局揀牌

以扣除對方英雄所有生命值獲勝

Last Gasp (死亡之聲) 效果發動

有 Summon (戰吼) 技能卡片打出時會有附帶效果

符文效果發動

有Prophecy 能力可以立即使用

另一個主要系統係戰場會分成 2邊，每邊場上最大可以放置 4張卡牌，左右兩邊並不能互相攻擊。左邊叫 Field Lane，無特別；右邊係 Special Lane，隨住唔同既規則會有唔同既效果，最先登場既係 Shadow，當係 Shadow Rules 之下所有右邊場上卡牌都可以獲得一回合隱匿效果。據消息總數會有 20種 Rules，現階段已知既 Rules 有：Shadow，Hall of Mirrors，Graveyard，Champion’s Arena，Plunder (遲下再同大家介紹下唔同Rules 有咩特別)。

 戰場分為2邊，左右雙方不能互相攻擊

圖為 Shadow Rules，放置右側卡片可以有一回合隱匿效果

後手方可以獲得一張加魔法水晶卡，可用三次

Action 牌

類似魔法卡既存在，有各式各樣既效果。例如：Shadow Shift係可以移動友方一張卡牌並抽一張卡，聰明既讀者應該一睇就知係可以隨時改變戰局既卡。Arrow to the knee 造成一點傷害並封鎖目標一回合行動，Cruel Firebloom 犧牲一張生物卡對敵方隨機目標做成5點傷害，仲有好多唔同效果等出咗大家再發掘下點用。

部份 Action 卡

Item 卡多數係一啲強化卡

卡片屬性分為 智慧、力量、意志、敏捷、中立，每個牌組最多由兩種屬性外加中立卡組成，牌組可以放置 50 – 70 張卡片。最特別既地方係本作係可以透過靈魂寶石進行卡牌升級，會有分支比你揀點進化，耐玩度一流。有興趣既快啲上去官網登記啦，而家仲做緊 Beta Test 申請架！傳送門

砌 Deck

精彩環節：開卡包

有 Upgrade 固有卡片系統，可以見到會有2個分支升級

當然會有屈機卡

升級係要用魔石既，碎卡就會有

同爐石一樣有 Mission，完成會有獎勵

遊戲模式

相關文章：《上古卷軸：傳奇》繼爐石後又一名作改篇為卡牌遊戲