一直都話巫師入面既昆特牌先係主菜，好希望佢單獨出 Game，估唔到 CD Projekt Red 咁快就實現呢個願望！

官方E3真人宣傳片

遊戲進行畫面

係 2016年美國 E3 Microsoft會場上面，正式公布巫師3入面既卡牌遊戲「昆特牌」正式成為獨立遊戲並進行開發！遊戲名稱就照舊用返「Gwent」即係昆特牌，遊戲內容你以為係就咁抽出黎當一隻 Game 賣既話你就實在太睇少呢間業界清泉啦！本身有既英雄牌技能會改變、會有不同等級既英雄牌 (影片所見凈係白狼都有三張，正路應該係同角色都會有唔同等級)、牌既會有調整、陣營獎勵變更等等，另外天氣同出牌果陣既畫面都會重新製作，桌面介面都會變得更多雙方詳細既資料！

而家係官網已經開放咗 Beta Test 申請，可以去呢度申請，現階段只有 PC/Xbox One 版本申請，而正式推出時會有 Xbox One / PlayStation 4 / PC 3個版本，手機版官方就話會做好呢幾個版本之後先會推出 iOS/Android 版。遊戲屬於免費下載，預計2017年頭上市，Beta Test 就會係今年9月有得玩啦，快啲去申請啦，我就準備好間諜間碟間碟從敵方墓園偷一張牌！